دبلومة المكتب الفنى

مدنى بلس

17 نوفمبر, 2024

دبلومة المكتب الفنى للمهندس أحمد حسن

المكتب الفنى

يعنى ايه مهندس مكتب فنى وايه مسؤليات المكتب الفنى خصوصا ان كتير جدا من المهندسين بيستفسر عن مهام مهندس المكتب الفنى عموما اى شركه او كيان سواء عند المالك او المقاول لازم يكون عندهم قسم مكتب فنى وكل مهندس له تخصص ومهمه فى مجال المكتب الفنى

ولو مكان صغير برده بيكون فيه مهندس مكتب فنى بيقوم بالمهام نفسها

مهام مهندس المكتب الفنى

ومهام مهندس المكتب الفنى متعدده ومهمه جدا ولا غنى عنها ابدا زى

• إعداد مقايسة المشروع
• عمل حصر الكميات
• تحليل أسعار المقايسة
• إعداد و تجهيز كافة المستندات اللازمة للمناقصات
• إعداد البرنامج الزمني للمشروع
• إستلام الرسومات الهندسية المعتمدة من إستشاري المشروع و توزيعها على الإدارات المختلفة
• مطابقة اللوحات
• إجراء التعديلات اللازمة على الرسومات و ردها للإستشاري للمراجعة و الإعتماد
• عمل الرسومات التشغيلية shop drawings
• إعداد الرسومات طبقاً لما تم تنفيذه على الطبيعة As built drawings
• عمل تعديل الأسعار
• إعداد مستخلصات
• تمثيل الشركة في الإجتماعات الدورية
• إعداد جميع ورقيات و تقارير المشروع
• إجراء المخاطبات و المراسلات مع كل أطراف المشروع
• حفظ جميع ملفات المشروع من مستندات و مخاطبات
• توثيق تسليم و إستلام المستندات و المخاطبات و اللوحات بين جميع العاملين بالمشروع

طب السؤال التانى هل فيه اى مميزات انك تشتغل مهندس المكتب الفنى ؟
طبعا لان مهندس المكتب الفنى هوه حلقه الوصل بين التصميم والتنفيذ وكمان اداره المشروعات ضيف على ذلك ان شغله مش صعب زى التنفيذ

وهوه انسب وظيفه للمهندسات تحديدا وكمان بيكون من الصعب ان الشركه تستغنى عنه لان بيكون ماسك خيوط كتيره جدا فى المشروع ونضيف كمان ان المرتبات لمهندسين المكتب الفنى محترمه جدا

وفرص مهندسين المكتب الفنى متوفره بشكل كبير وكمان مهندس المكتب الفنى بيشتغل على برامج كتيره جدا زى الاكسل والبرامفيرا والاتوكاد استركشر مع المتابعه الكتيره عليها مش بينسى حاجه منها

طب عشان تكون مهندس مكتب فنى ؟

لازم من البدايه تكون ملم بالاساسيات زى الاوتوكاد والاكسل وياسلام لو البرامفيرا والريفيت كمان تبقا على وضعك
ولو انته طالب يبقا يفضل تخش مشروع اداره مشروعات

ومهندس المكتب الفنى الشاطر بيكون قوى فى التنفيذ بشكل كبير يعنى لازم تكون فاهم تنفيذ وعنده معلومات كويسه فيه لانك هتحصر وهتسعر

عن تجربه شخصيه بقدملك كورس جميل جدا وشارح فيه كل حاجة بالتفصيل ربنا يباركله المهندس احمد حسن وطبعا الكورس لوحده غير كافى بس الفكره إنه بيحطك على الطريق فى كل مجال وتعرف الأساسيات وتكمل انت بعد كده